Монгол Улс анхдугаар Үндсэн хуулиа баталж, Бүгд Найрамдах засаглалаа тунхагласны түүхэн 101 жилийн ой нь 2024 оны 11 дүгээр сарын 26-нд тохиолоо.1924 оны 11 дүгээр сарын 26-нд Улсын анхдугаар их хурал хуралдаж, улсын анхны Үндсэн хуулиа баталснаар угсаа залгамжилсан хаант засгаас ард иргэдийн оролцоонд түшиглэсэн бүгд найрамдах засаглалд шилжсэн нь Монголын хоёр мянган жилийн түүхэнд шинэ эрин нээсэн билээ.Түүхийн энэ торгон өдөр Дундговь аймгаас төрөн гарсан нэрт эрдэмтэн, урлаг соёлын зүтгэлтнүүдийн гавьяаг Монгол Улс өндрөөр үнэлж буй нь нутгийн ард иргэдийн бахархал хүндэтгэлийг нэмсээр байна.Өвлийн тэргүүн сарын шинийн нэгэнд Дундговь аймгийн уугуул, Монгол Улсын шинжлэх ухааны гавьяат зүтгэлтэн, ШУА-ийн академич, хууль зүйн шинжлэх ухааны доктор, профессор Содовсүрэнгийн Нарангэрэл Чингис хааны одонгийн Тэргүүн зэргээс хүртэж, өөрийн судалгаа, хөдөлмөр зүтгэлийн үнэ цэнийг дахин бататгав.Тэгвэл тус аймгийн урлагийн алдарт зүтгэлтэн, хөгжмийн зохиолч, МУСГЗ Дашдаваагийн Баттөмөр Монгол Улсын Ардын жүжигчин цолоор шагнагдлаа. Монголын хөгжмийн урлагт үнэтэй хувь нэмэр оруулж, олон бүтээлээрээ үзэгч сонсогчдын сэтгэл зүрхийг хөглөсөн түүний бүтээлч үйлс энэ эрхэм цолоор үнэлэгдсэн нь Монгол түмний бахархал болж байна.

Эрчим хүчний яамны Төрийн нарийн бичгийн даргын албан үүргийг түр орлон гүйцэтгэгч Б.Ерэн-Өлзийг Монгол Улсын Засгийн газрын 150 дугаар тогтоолоор Төрийн нарийн бичгийн даргын албанд томиллоо. Эрчим хүчний сайд Б.Чойжилсүрэн ажлын өндөр амжилт хүсээд Засгийн газраас дэвшүүлсэн зорилтыг хэрэгжүүлэх чадвар төрийн албанд ажилласан туршлага, төрийн ажил үүргийг гүйцэтгүүлэхэд хуримтлуулсан мэдлэг чадвар, төрийн албаны мерит зарчмаар шатлан дэвшиж, 2004 оноос хойш ажилласан мэргэжлийн ур чадвартай төрийн албан хаагч гэдгийг нь хэлсэн үгэндээ онцолсон юм. Эрчим хүчний яамны Төрийн нарийн бичгийн даргаар томилогдсон Батмөнхийн Ерэн-Өлзийгийн хувьд 1998 онд Өвөрхангай аймгийн Арвайхээр хотын 3 дугаар 10 жилийн сургууль, 2003 онд Монгол Улсын Шинжлэх ухаан Технологийн их сургуулийн Эрчим хүчний сургуулийг Цахилгаан системийн автоматжуулалтын инженер, 2014 онд Австрали улсын Сиднейн Технологийн их сургуульд Эрчим хүчний бодлого төлөвлөлт мэргэжлээр магистрын зэрэг хамгаалсан. 2004-2005 онд Засгийн газрын хэрэгжүүлэгч агентлаг-Эрчим хүчний газрын харьяа Эрчим хүчний сургалтын төвд инженер багш, 2005-2009 онд Түлш эрчим хүчний яамны харьяа Эрчим хүчний судалгааны төвд судлаач, инженер, 2009-2010 онд Засгийн газрын хэрэгжүүлэгч агентлаг-Эрчим хүчний газрын Судалгаа, мэдээлэл, үнэлгээний хэлтэст мэргэжилтэн, 2010-2012 онд Эрдэс баялаг, Эрчим хүчний яамны Бодлого төлөвлөлтийн газар мэргэжилтэн 2012-2025 онд Эрчим хүчний яамны Бодлого төлөвлөлтийн газарт ахлах мэргэжилтэн,хэлтсийн дарга, газрын дарга, Төрийн нарийн бичгийн даргын албан үүргийг түр орлон гүйцэтгэгчээр тус тус ажиллаж байсан.

Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны 10 дугаар сарын 20-24-ний өдрүүдэд авлигын эрсдэлийг бууруулах, шалтгаан нөхцөлийг арилгах чиглэлээр “Дархан арьс ширний цогцолборын бүтээн байгуулалт” ТӨХХК, Гаалийн төв лаборатори, Биеийн тамир спортын улсын хороонд ажиллалаа. Төрийн үйлчилгээнд хүнд суртал, чирэгдэл үүсэж болзошгүй эрсдэлийг тогтоох, авлига, ашиг сонирхлын зөрчлөөс урьдчилан сэргийлэх, ил тод байдлыг хангуулах, авлига ашиг сонирхлын зөрчил, хүнд суртал, чирэгдэл учруулсан дүрэм, журам, шийдвэрийг хянах ажлын хүрээнд “Байгаль орчинд нөлөөлөх байдлын үнэлгээний мэргэжлийн зөвлөлийн гишүүнийг сонгон шалгаруулах журам”, “Тавантолгой төмөр зам” ХХК-ийн захирлын зөвлөлийн ажиллах журам, хүний нөөцийн бүрдүүлэлт, сонгон шалгаруулалтын журам зэрэг шийдвэрийг хянаж, санал хүргүүлэв. Төрийн байгууллагын хүнд суртал, чирэгдэл, төрийн албан хаагчийн ёс зүйн асуудлаар иргэн, аж ахуйн нэгж, байгууллагаас ирүүлсэн 11 гомдол, мэдээллийг хянан шалгаж, авлигын эсрэг сургалтад нийт 1095 албан тушаалтныг хамрууллаа.

Монгол Улсын Их Хурлын дарга Д.Амарбаясгалан Бүгд Найрамдах Казахстан Улсын Парламентын доод танхим Мажилисийн дарга Е.Ж.Кошановын урилгаар 2025 оны 09 дүгээр сарын 04-07-ны өдрүүдэд тус улсад албан ёсны айлчлал хийнэ. Энэхүү айлчлал нь Монгол Улсын Хурлын даргын түвшинд 22 жилийн дараа хэрэгжиж байгаагаараа онцлог юм. Айлчлалын зорилго нь Монгол Улс, Бүгд Найрамдах Казахстан Улс хоорондын Стратегийн түншлэлийн харилцааг бэхжүүлэх, хууль тогтоох дээд байгууллага хоорондын хамтын ажиллагааг гүнзгийрүүлэхэд оршиж байна. Айлчлалын хүрээнд Монгол Улсын Их Хурлын дарга Д.Амарбаясгалан Бүгд Найрамдах Казахстан Улсын Парламентын доод танхим Мажилисийн дарга Е.Ж.Кошанов нар албан ёсны хэлэлцээ хийж, хоёр улсын харилцаа, хамтын ажиллагааны өргөн хүрээний асуудлаар санал солилцохоор төлөвлөж байна. Мөн Монгол Улсын Их Хурал, Бүгд Найрамдах Казахстан Улсын Парламентын Мажилис хоорондын хамтын ажиллагааны Санамж бичиг болон байгууллага хоорондын баримт бичгүүдийг байгуулна. Монгол Улс, Бүгд Найрамдах Казахстан Улс нь 1992 оны 01 дүгээр сарын 22 -ны өдөр дипломат харилцаа тогтоосон юм